الرئيسيةاليوميةمكتبة الصوربحـثمركز الرفعلوحة مفاتيح عربيةالتسجيلدخول

 | .
Share
 

 مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
khaled


مؤسس و مدير المنتدى
مؤسس و مدير المنتدى


الجنس الجنس : ذكر
الشعبة/الإختصاص : طبيب وجراح أسنان
هوايتي : الرياضة
مسآهمآتے مسآهمآتے : 9005
التقييم التقييم : 330
الأوســـمــــة

متصل
مُساهمةموضوع: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الإثنين 1 أكتوبر 2012 - 16:41

مذكرااااتي -- قصّة تتكرّر مع أغلب طلبة جراحة أسنان-طب-صيدلة -- وشكون صرالو كي حالي؟؟؟

كتابة : خالد كروش

فاتوا بضع سنوات في la fac
mais مازال مانسيتش ذلك اليوم
le 1er jour f la faculté de médecine
_______
في الليسي كانوا يقولوا الاساتذة
" ال bac هو مفتاح الحياة "
وهذا وين فهمت واش كانو يقصدوا ب: ((الحياة))
كنّا في الباك وانا نقول : وقتاش نخرجوا من جدّ هاد الليسي
وكانت ذاكرتي تشوف أن la fac حاجة كبيرة
مثل جامعة هارفرد الامريكية
ولاّ جامعة هومبولدت الالمانية
وانا انتظر الحياة الجامعية الجميلة
نتخلص من قيود الفروض والواجبات المنزلية

^___*
خرج الrésultat تاع الbac
وتعالت الزغاريد يومها ,,,,, يا حبيبي (( تاع المحقق كونان هادي ))
كان آخر صيف جميل قضيته في حياتي
هو ذاك الذي أتاني بعد نجاحي الهيسقراطي والتحرر من الليسي
ومن بعض الوجوه العابسة (O_°)
المهم جا وقت الاختيار (( اختيار التخصص))
جميع لي باشوليي كانو محتارين
ماكانتش عندي حتى فكرة واش رايح نقرا
اللي مدوهالي نقراها ههههه
بظروف غامضة سوداء لونها تَسَجَّلَ اسمي أني نقرا جراحة أسنان -
في تيزيييييييييييييييييي وزوووووووووووووووووو
نخبط راسي ((يا حبيبي))
___________
أكرهت حياتي منذ البداية ووجعتني كرشي
مرّت العطلة الصيفية .. كي قرب الدخول الجامعي شتريت فيها زعما حوايج
لأنّني سأُصبح (( طــــالب جامعي )) ___ hhhhh
الليله اللي قبل الدخول الاول للطلبة
هرب النعاس ((كان يتبهلل))
وانا نخمم في ظلمة الليل العاتمة منتظر ذاك اليوم
اعتراني شيء من الخوف والقلق ممزوج بالمايونيز
اه اقصد ممزوج بالفرحة من نوع يقشعرّ له البدن
مستلق على سريري وانا اتخيّل
تُرى كيف ستكون __الجامعة __ هههه
بديت نتخيل نفسي كي الدكتور هاوس
قلت الجامعة باينة معمرة بـ '' لي ستار '' أمثال براد بيت وربما سأكون مثل طوم كروز
سوف أكسب أصدقاء
وكلّهم من عقلية الكبار
مرّت الليلة بسلام
وسمعت صوت المنبّه ,,, '' حلاتلي الرقدة وجاتني حلوة ''
لكن لم أنزعِج منه لاول مرة في حياتي
((وكانت الاخيرة)) كان صوته حنينا ,,,
___________
لبست حوايجي ,,, وعطّرت نفسي
وخرجت من الدار
______________________ to be continued >>>


عدل سابقا من قبل khaled في السبت 15 أغسطس 2015 - 21:03 عدل 8 مرات
الرجوع الى أعلى الصفحة اذهب الى الأسفل
khaled


مؤسس و مدير المنتدى
مؤسس و مدير المنتدى


الجنس الجنس : ذكر
الشعبة/الإختصاص : طبيب وجراح أسنان
هوايتي : الرياضة
مسآهمآتے مسآهمآتے : 9005
التقييم التقييم : 330
الأوســـمــــة

متصل
مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الإثنين 1 أكتوبر 2012 - 16:41

la suite
وماتخافوش مانزيدش نكمّل
قلوبكم الصغيرة لا تتحمّل  هههه
_____________________
لبست حوايجي ,,, وعطّرت نفسي

ركبت في وحد القطار '' وأي قطار هو ؟!'' ( يشبه ذلك القطار الموجود في عصر لي كوبوي )
لما وصلت لتيزي وزو .. نزلت وانا دايخ نمشي ونتمايل من هاداك القطار
كالمزطول
تدخل لا فاك وانت ماتعرف والو فيها
تبانلك كبيــــــــــــــرة (( وهي قابسة زالاميت ))
تبدا تتبسم مع كلّ واحد تلقاه
((تشري الملاحة ههه ))
بصّح تشوف بلّي الشعب كامل راه يشوف فيك ويضحك
ومالابسينش ملابس جديدة كيفك
إلا اقليّات تالفين كيفك (( اصحاب السنة الاولى))
البقية ,,, تحسبهم كانوا في الفلاحة وجاووا كيما كانوا
وكاين اللي تحسبهم راهم لابسين بيجاما
مرّات كنت نشكّ بلّي صح هاديك بيجاما
خاطر صحّ كانوا يجو كيما يكونو راقدين ( على كل حال دك الحمد لله جازو لعوام وحتى انا وليت كيما هوما هههه )
_______
تقول في بالك لازم نروح نسقسي واحد كبيــــر هو يكون يعرف
ايا تدخل لجماعة (( ماعليه نسقسيكم ؟)) وانت تتبسم
وتبيّن سنّيك ^___^
ايا واحد فيهم ينطق ,,,
*جماعة البروميار آني ههههههه
((انت حاسب في روحك كبيـــــر وهما تحسبهم راهم يشوفوك بلي كوش ؟؟؟؟))
حتّى يخرج منهم واحد ((لطيف))
يقولك : شوف روح لهيه دوك تلقى جماعة لابسين جديد
عندهم العيد تمّا hhhhh
ايا اوقف معاهم دوك يجو يلمّوكم
كي تصوني ((يدقّ الجرس)) يجي surveillent يديرلكم l'appel
_______
ايا تقول للسيد ((لطيف)) : صاحيت بارك الله فيك خويا
وانت تتبسم ,,, وهو حاس روحو دار فيك خير كبير
_______
ايا تقعد تستنى قدام ضحايا جماعة العيد
ايا ممبعد دخلنا للمدرّج وكانوا تمّا غاشي قافزين تاني
,,,,,
اوّل درس في الجامعة : المظاهر خدّاعة وغريبة الاطوار !!
تبّا وين جيت ؟؟؟؟ ((زعما كانت عندي فرصة نروح لجامعة كامبردج وانا رفضت !! ))
___________
تدخل للمدرّج وتقعد في الوسط كالكبار في جامعة هارفرد
بصح باش تلحق تقعد ,,,, في وسط تلك الجحافل العظيمة
لازم تكون gladiator
وانت تمشي باش تلحق للبلاصة تحس بلّي الدنيا كامل
راهي تشوف فيك انت
يمتلئ المدرّج الى آخره
وانت موسوس بطبيعة الحال ,,, اذا شفت زوج يهدرو تقول باينة راهم يهدرو عليّا ,,, اذا واحد ضحك ,,suuure راه يضحك عليّا
الناس كامل راهي تشوف فيا
كومبلاكس يحّكمك سورتو كي ماتعرف حتى واحد
يشوف فيك واحد لابس نظارات ايا تتبسّم معاه
يشوف فيك شوفة عوجة ويدوّر راسو
(( تهبطلك الدمعة تاع ماروكو ادّادّا ادّادّا ادّادّا ادّادّا ))
تحّكمك نكسة من الملل والديقوطاج
دورتها عقلية خشينة .. منضحكش كامل .. زعما واعر
ويجي استاذ ويبدا يحكي بالفرنسية
ولا حرف بالعربية ,,,,,
ثم تستمع لمحاضرة يبدأ فيها فى الحديث عن اهميه الطب و نظام التعليم
ويقولك vous êtes la crème des élèves du lycée
لازم اذا بذلت جهد تاع 100 بال100 في الباك
ضركا لازم الجهد يتضاعف بزاااااااااف
لازم اليوم كامل تقراو فيه وعلابالي نعرفكم تقدرولها
(( ضحكت في نفسي وقلت : راه يخوّف فينا؟ههه لافاك ساهلة__ ماكاش علابالي واش راه جابني __ :'( ))
ومبعد يقولنا راكم كامل خاوة وتحتاجوا ايّ حاجة ماتخافوش روحو لادمينيستراسيون وكلش راه ليكم
نحن في خدمة الطالب ^___^
يزيد الاستاذ يحكي ويفرفش كلام رومنطقي مدهون بالزبدة والعسل يطلع عليه النهار يريب
ومبعد يدخل استاذ المادة embryologie ^___^
emmm yban un module intéressant
(( je ne sais pas 3lah 9rina ga3 hadouk les détails fih za3ma kayen li rah 3a9el 3lihom !!! ))

نتفكر أني نظرت من حولي وجدت الناس concentrés ويكتبوا ويسقسوا
((وانا عندي ستيلو مع ورقة وحدة - كيما كنا في الإبتدائي - جيت غير بلاطاي ))
الناس كامل تقول OUI ... وانا نقول '' بلاستي ماشي هنا وش راني ندير (-_-')
وناس رافدين les portables وm activyin le bluetooth غير الماركة ويبعثوا الصور!
وناس يلعبوا jeux وماسامعينش ga3 bel prof ... انا صبت قدامي إلا 1110 نلعب فيه تاع الدودة
وناس تتعرف على بعضها بعض
واللى قاعد داير بروحه بطاطا كبيرة زعما هو فرعون تاع البرومو
وناس ماجايبة للدنيا خبر ((ضاربينها ب كودبيي ))

فتسيطر عليك حاله من الاحباط و الكآبه حتّى يكمل الcours الصامط
_______________
كي يكمل الcours تبدا تهدر مع روحك وين راه طوم كروز وبراد بيت؟؟؟

اين التحرر من قيود ودروس الليسي ؟؟؟
اين الوجوه المنيرة في الجامعة ...؟؟؟؟

حتّى يجي واحد ويقاطعك وانت تخمم وحدك
tetcoupa التساؤلات
ويقولك: هادي ماشي كامل جامعة !! ... بصح مادير والو في بالك هادي هي البروميار آني حتى انا راني كيما نتا.
(( زعما هو psychologue -- )) !!!
aya ويبدا يسقسي اسمك و سنك و منين انت ؟؟؟

آه ,,, دير مليح في بالك بلي هاداك السيد سيكون أحد أصدقائك المقربين فيما بعد ^__^
(( تحيّة لجماعتي في تيزي وزو وناس بومرداس هههههه ))
تُصاب بالاحباط وترجع للدار
وانت مازدت والو في بالك
appart هاداك الشكيل اللي كان يدندن بيه البروف
ياحسراه كي تتفهم كلمات برك من هاذاك الدرس تحسّ روحك طيّارة
^___^
malgré tou mate9ta3ch l'espoir w tkoul fbalek
surement el 3oulama majawch nhar lawal
demain ykoun nhar fort bezaf
اكيد فيه حاGه غلط يا عمّ!!
ههههههههه
===============
aya حبّة حبّة وتوالف ,,,,
وماننساوش اليامات اللي تكون تآسيستي ga3 les cours
وسباق الماراطون نحو المقاعد الاوّلية
كي تلحق على ال7ونص تاع الصباح تحكم بلاسة في الأخير
تحسب الناس بايتة تمّا ؟؟؟؟!!! ( في الفجر بالاك ميديروش هاكدا - إلا ما رحم ربي - )
ومانحكوش على الجماعات اللي يدخل واحد يشدّ صفّ كومبلي لاصحابو
(( شكيت كل يوم يديروا واحد بارمانونس يعس البلاص ههه ))
*ونهار اللي دخلت روطار .. احسست انّ الارض تدور من حولي
والكلّ ينظر اليّ
remarque : كي كاش واحد يدير حاجة كامل الشعب يدور يشوف فيه يتكومبليكسا مسكين
واللي تقتلني ,,, واحد يعطس ايا الشعب ينوض يضحك (( اوو!! جامي سمعت واحد يعطس؟؟))
ولا الاستاذ يقول كاش عفسة تعيّي (( ماتضحك ماتبكي )) ايا اللي قاعدين في الاوّل ينوضو يضحكوا
واللي فالتالي تاني يضّحكوا
ويدورلك واحد منهم وهو هابل بالضحك ويقولك : واش قال؟؟؟؟
___ آه ماعلابالكش واش قال وراك تضحك ؟؟؟ ههههه _____

في وهلة تذكّرت أيّام العصر الحجري
تبّا للأيّام الخوالي
هههههه
__ زعما ضركا كبرنا هههه ___
ســــــــلاااااااااااااااام


عدل سابقا من قبل khaled في السبت 8 أغسطس 2015 - 21:30 عدل 4 مرات
الرجوع الى أعلى الصفحة اذهب الى الأسفل
MAYAR


عضو فعال
عضو فعال


الجنس الجنس : انثى
المستوى الدراسي المستوى الدراسي : طالبة جامعية
هوايتي : ركوب الخيل
مسآهمآتے مسآهمآتے : 304
التقييم التقييم : 11
الأوســـمــــة


مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الثلاثاء 2 أكتوبر 2012 - 17:06

السلام عليكم ورحمة الله تعالى وبركاته
والله العظيم غبر تقول راك تهدر على هاداك النهار المزمر اللي جاز عليا نهار الاحد اللي فات كانت اول مررة ندخل فيها للجامعة كنت دايرة روحي صاروح (حجاب جديد -----خمار جديد -----والاخرة ga3الصباط يضرب فيا ) المهم دخلت ما صبت حتى واحد مللي نعرفهم راسي وللى شغل رادار تقول هاديك اللي تبحرت فالسوق وتحوس على ماليها(بدوية في Paris)
ااااااااااااااااااااااااااااااااااااااااااااههههههههههههههه شحال تمرمدت هاداك النهار صرا فيا المنكر
المهم هادو كامل يقعدونا des souvenires
سلااااااااااااااااااااااااااااااااااااااااااااااااااام

الرجوع الى أعلى الصفحة اذهب الى الأسفل
khaled


مؤسس و مدير المنتدى
مؤسس و مدير المنتدى


الجنس الجنس : ذكر
الشعبة/الإختصاص : طبيب وجراح أسنان
هوايتي : الرياضة
مسآهمآتے مسآهمآتے : 9005
التقييم التقييم : 330
الأوســـمــــة

متصل
مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الثلاثاء 2 أكتوبر 2012 - 19:28

عندك الحق يبقاو في الذاكرة ميتنساوش
الرجوع الى أعلى الصفحة اذهب الى الأسفل
زينب


عضو نشيط
عضو نشيط


الجنس الجنس : انثى
المستوى الدراسي المستوى الدراسي : طالبة
هوايتي : رياضة
مسآهمآتے مسآهمآتے : 155
التقييم التقييم : 1
الأوســـمــــة

مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الخميس 18 أكتوبر 2012 - 18:54

هههههههههههههههههههه
ههههههههههههههههههههه
هههههههههههههههههههه
ههههههههههههههههههههه
هههههههههههههههههههههههه
ههههههههههههههههههههههههههههههه
هههههههههههههههههههههههههههههههه
ههههههههههههههههههههههههههههههههه

ياااااااو قتلتني بالضحك انا النهار الاول فالجامعة مازال ماعشتوش :؟؟!!.: كي نعيشو نجي نحكيلكم :lol: لانو رانا في اضراب :فائز.:

مي والله حكايات فووووووووووووووووووووووووووووووووور

قتلني الفضول :أفكر.: "قدرت تكمل طب في تيزي وزو ولالالا :أفكر.: "


ارجو الدعاء لي بالفرج العااااجل
الرجوع الى أعلى الصفحة اذهب الى الأسفل
khaled


مؤسس و مدير المنتدى
مؤسس و مدير المنتدى


الجنس الجنس : ذكر
الشعبة/الإختصاص : طبيب وجراح أسنان
هوايتي : الرياضة
مسآهمآتے مسآهمآتے : 9005
التقييم التقييم : 330
الأوســـمــــة

متصل
مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الخميس 18 أكتوبر 2012 - 20:40

دايما في البداية تكون صعوبات .. بصح الواحد كي يفوت يعتاد خلاص

الحمد لله راني مازالني مكمل دراستي جراحة أسنان

ربي يوفقك ويوفقنا كامل ان شاء الله


●°°●●°°● ●°°●●°°●●°°●●°°● ●●°°●●°°● ●°°● °
يا قارئ خطي لاتبكي على موتي,فاليوم معك وغدا في التراب
ويا مارا على قبري لاتعجب من أمري بالأمس كنت معك وغدا أنت معي
أموت ويبقى كل ماكتبته ذكرى, فياليت كل من قرأ خطي دعا لي
و إن مرت الأيام ولم ترون , فهذه رسالتي فتـذكرونـــــــي
وان غبت يوما ولم تجدون , ففي قلبي حب لكـم فـلاتنسونـــــــي
وان طال غيابـي عنكــــــــــــــم دون عـودة اكون وقتهـا بحـاجــة
لدعـائكم فادعـوا لــــــــــــــــــــي
●°°●●°°● ●°°●●°°●●°°●●°°● ●●°°●●°°● ●°°● °

كل ما تحتاجه في منتديات التعليم الشامل من شرح تحميل ورفع الملفات وكتابة المواضيع والمزيد - من هنا -


عدل سابقا من قبل khaled في الأربعاء 9 أكتوبر 2013 - 15:50 عدل 1 مرات
الرجوع الى أعلى الصفحة اذهب الى الأسفل
زينب


عضو نشيط
عضو نشيط


الجنس الجنس : انثى
المستوى الدراسي المستوى الدراسي : طالبة
هوايتي : رياضة
مسآهمآتے مسآهمآتے : 155
التقييم التقييم : 1
الأوســـمــــة

مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الخميس 18 أكتوبر 2012 - 20:46

امين ياااااااااارب خيو :chah.:


ارجو الدعاء لي بالفرج العااااجل
الرجوع الى أعلى الصفحة اذهب الى الأسفل
asmaab


عضو فعال
عضو فعال


الجنس الجنس : انثى
المستوى الدراسي المستوى الدراسي : جامعي
مسآهمآتے مسآهمآتے : 293
التقييم التقييم : 5
الأوســـمــــة

مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الأربعاء 9 أكتوبر 2013 - 13:09

ههههههههههههههههههه ضحكتونى خصوصا خالد و انا هذا النهار ما زال ما نعيشوا و كى نعيشوا ان شاء الله نجى نخبركم واش صرالى ههههههههههههههههه دعولى باش نربح الباك و نعيش هذا النهار الشباب بزااف ههههههههههههه78 


*ما أصعب ان تبكى على أمر ليس منه رجاء 
ما أصعب ان تنتظر شىء هو و النجوم فى البعد سواء 
ما أصعب ان يعاملك من تحب بجفاء 
ما أصعب ان تضحى فى سبيل من لا يعرف الوفاء
فهذه الحياة مليئة با لصعاب حتى على قلوب الاوفياء 
الرجوع الى أعلى الصفحة اذهب الى الأسفل
nassima gh


نائب المدير
نائب المدير


الجنس الجنس : انثى
المستوى الدراسي المستوى الدراسي : طالبة جامعية
الشعبة/الإختصاص : biochimie
هوايتي : البحث العلمي
مسآهمآتے مسآهمآتے : 2295
التقييم التقييم : 53

مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الأحد 20 أكتوبر 2013 - 18:09


اااه كيفاش اخفا عليا هاد الموضووووووووووووووع
صح واش احكالكم خالد مي خبا عليكم شوية حاجات

اللي حاب نكملهالو يقولي نحط la suite هههههههه
شكــــــــــــرااا خالد mais علاش خلعتهم مساكن من دوك ههههههه


الرجوع الى أعلى الصفحة اذهب الى الأسفل
asmaab


عضو فعال
عضو فعال


الجنس الجنس : انثى
المستوى الدراسي المستوى الدراسي : جامعي
مسآهمآتے مسآهمآتے : 293
التقييم التقييم : 5
الأوســـمــــة

مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الأحد 20 أكتوبر 2013 - 18:42

سلام نسومتى و نتمنى تكملينا و تحكيلنا على قصتك فى الجامعة ههههههههه71 71 


*ما أصعب ان تبكى على أمر ليس منه رجاء 
ما أصعب ان تنتظر شىء هو و النجوم فى البعد سواء 
ما أصعب ان يعاملك من تحب بجفاء 
ما أصعب ان تضحى فى سبيل من لا يعرف الوفاء
فهذه الحياة مليئة با لصعاب حتى على قلوب الاوفياء 
الرجوع الى أعلى الصفحة اذهب الى الأسفل
nassima gh


نائب المدير
نائب المدير


الجنس الجنس : انثى
المستوى الدراسي المستوى الدراسي : طالبة جامعية
الشعبة/الإختصاص : biochimie
هوايتي : البحث العلمي
مسآهمآتے مسآهمآتے : 2295
التقييم التقييم : 53

مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الإثنين 21 أكتوبر 2013 - 10:39

OK في خاطرك حنونــــــــــة رايحة نكملك  LA SUITE قريــــبا


الرجوع الى أعلى الصفحة اذهب الى الأسفل
asmaab


عضو فعال
عضو فعال


الجنس الجنس : انثى
المستوى الدراسي المستوى الدراسي : جامعي
مسآهمآتے مسآهمآتے : 293
التقييم التقييم : 5
الأوســـمــــة

مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الإثنين 21 أكتوبر 2013 - 12:34

ان شاء  حنونتى نسيمة صحيتى و ادعلى معاك نلحقك للجامعة و نحكيلك واش صرالى هههههههه ان شاء الله 


*ما أصعب ان تبكى على أمر ليس منه رجاء 
ما أصعب ان تنتظر شىء هو و النجوم فى البعد سواء 
ما أصعب ان يعاملك من تحب بجفاء 
ما أصعب ان تضحى فى سبيل من لا يعرف الوفاء
فهذه الحياة مليئة با لصعاب حتى على قلوب الاوفياء 
الرجوع الى أعلى الصفحة اذهب الى الأسفل
khaled


مؤسس و مدير المنتدى
مؤسس و مدير المنتدى


الجنس الجنس : ذكر
الشعبة/الإختصاص : طبيب وجراح أسنان
هوايتي : الرياضة
مسآهمآتے مسآهمآتے : 9005
التقييم التقييم : 330
الأوســـمــــة

متصل
مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الإثنين 21 أكتوبر 2013 - 13:39

@nassima gh كتب:

اااه كيفاش اخفا عليا هاد الموضووووووووووووووع
صح واش احكالكم خالد مي خبا عليكم شوية حاجات
اللي حاب نكملهالو يقولي نحط la suite هههههههه
شكــــــــــــرااا خالد mais علاش خلعتهم مساكن من دوك ههههههه
هههههه مانيش نخوف فيهم
دايمن نوجدو صعوبات بصح تبقالنا إلا الذكريات
رانا حابين نسمعو حكايتك نسيمة 67


●°°●●°°● ●°°●●°°●●°°●●°°● ●●°°●●°°● ●°°● °
يا قارئ خطي لاتبكي على موتي,فاليوم معك وغدا في التراب
ويا مارا على قبري لاتعجب من أمري بالأمس كنت معك وغدا أنت معي
أموت ويبقى كل ماكتبته ذكرى, فياليت كل من قرأ خطي دعا لي
و إن مرت الأيام ولم ترون , فهذه رسالتي فتـذكرونـــــــي
وان غبت يوما ولم تجدون , ففي قلبي حب لكـم فـلاتنسونـــــــي
وان طال غيابـي عنكــــــــــــــم دون عـودة اكون وقتهـا بحـاجــة
لدعـائكم فادعـوا لــــــــــــــــــــي
●°°●●°°● ●°°●●°°●●°°●●°°● ●●°°●●°°● ●°°● °

كل ما تحتاجه في منتديات التعليم الشامل من شرح تحميل ورفع الملفات وكتابة المواضيع والمزيد - من هنا -
الرجوع الى أعلى الصفحة اذهب الى الأسفل
nassima gh


نائب المدير
نائب المدير


الجنس الجنس : انثى
المستوى الدراسي المستوى الدراسي : طالبة جامعية
الشعبة/الإختصاص : biochimie
هوايتي : البحث العلمي
مسآهمآتے مسآهمآتے : 2295
التقييم التقييم : 53

مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الثلاثاء 22 أكتوبر 2013 - 8:26



الرجوع الى أعلى الصفحة اذهب الى الأسفل
hadouche 23


مشرفة منتديات حواء وقسم الأسرة والمجتمع
مشرفة منتديات حواء وقسم الأسرة والمجتمع


الجنس الجنس : انثى
المستوى الدراسي المستوى الدراسي : طالبة جامعية
مسآهمآتے مسآهمآتے : 968
التقييم التقييم : 29
الأوســـمــــة


مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الجمعة 1 نوفمبر 2013 - 17:53

ههههههههههههههه والله أحلى الذكريات هي الجامعة وأيامتها والخرجات لي تخرجنا في الجامعة وزيد بزيدة تشوف العجائب والغرائب


الرجوع الى أعلى الصفحة اذهب الى الأسفل
souna13


عضو فعال
عضو فعال


الجنس الجنس : انثى
المستوى الدراسي المستوى الدراسي : جامعي
الشعبة/الإختصاص : علوم الإعلام والإتصال
هوايتي : المطالعة
مسآهمآتے مسآهمآتے : 331
التقييم التقييم : 7

مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الإثنين 10 مارس 2014 - 19:19

هههههههههههههه والله كاينة منها تقول قاعد تحكي عليا.أنا الحمد لله كملت قراية وراني ضرك نخدم بصح كونطرا برك a23 a23a23 a37  a37  a37  a37  a37  a37  a37  a37  a37  a37  a37  :110.....:
الرجوع الى أعلى الصفحة اذهب الى الأسفل
anonymous magician


عـضـو
عـضـو


الجنس الجنس : ذكر
مسآهمآتے مسآهمآتے : 47
التقييم التقييم : 1

مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الثلاثاء 11 مارس 2014 - 0:14

hhhhhhhhhhhhhhhh ana chhar thani bah roht drabt tala w mawalitach hatal lachhar 2 ksara masaytach nroh kima nta kanat tkon tajriba mliha  66 XDDDDDDDDDDDDDD
الرجوع الى أعلى الصفحة اذهب الى الأسفل
imene mouna


عـضـو جديد
عـضـو جديد


الجنس الجنس : انثى
مسآهمآتے مسآهمآتے : 14
التقييم التقييم : 0

مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الأربعاء 9 أبريل 2014 - 22:15

هههههههههههههه ربي يكون معانا
الرجوع الى أعلى الصفحة اذهب الى الأسفل
nanai


مشرفة قسم خواطر الأعضاء
مشرفة قسم خواطر الأعضاء


الجنس الجنس : انثى
المستوى الدراسي المستوى الدراسي : طالبة جامعية
الشعبة/الإختصاص : st
هوايتي : الغناء
مسآهمآتے مسآهمآتے : 199
التقييم التقييم : 3
الأوســـمــــة

مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الجمعة 18 أبريل 2014 - 19:53

بس والله اوقات  88  88  88 جميلة كي تقعد تتفكرها مع صحابك راه صراتلي نفس ضربه هههههه شعب يحب لغبينة


يا رب املا  قلبي قران و ملا حياتي قران
الرجوع الى أعلى الصفحة اذهب الى الأسفل
ضمير و فؤاد حي


مشرفة مـنـتـديـات الـتـسـلـيـة والـتـرفـيـه
مشرفة مـنـتـديـات الـتـسـلـيـة والـتـرفـيـه


الجنس الجنس : انثى
المستوى الدراسي المستوى الدراسي : 3 متوسط
الشعبة/الإختصاص : اللهم اجعلني راضية بقضائك ...قانعة بعطائك..
هوايتي : الرسم المطالعة
مسآهمآتے مسآهمآتے : 1027
التقييم التقييم : 21

http://www.bac35.com
مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الأحد 27 أبريل 2014 - 19:27

شكرا لك


الرجوع الى أعلى الصفحة اذهب الى الأسفل
أكسجين الحيآة


عضو جديد
عضو جديد


الجنس الجنس : انثى
المستوى الدراسي المستوى الدراسي : جامعية
مسآهمآتے مسآهمآتے : 4
التقييم التقييم : 0

http://www.staralgeria.net/
مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الإثنين 18 أغسطس 2014 - 9:30

سلآم الله عليكم
متنفس رائع ههههههههه
انا نهار الاول كي رحت ايا نستناو في المدرج يتفتح المهم
بالدقيقة تجيني وحدة من خلق ربي الكل جاوني انا
انتي كنتي تقري في .......... ايه انا ا
انتي كنتي تسكني في
انتي اخت هاذيك ايه انا
حتى اخر وحدة حكيتلها حياتي بمجرد ما وقفت هي مزال ما سقساتنيش خخخخخ
اول العام كان المدرج ما يكفيش من كثر حب العلم والتعليم
مي اخر العام يا زوج صفوف يا ناقصين
كي فهمنا عقلية الجامعة هههههههههه
وضرك سي أنتيك اخ صح كانو يشاورو علينا تع البروميار
ضرك تقلبت الآية عدنا نحنا آه وي نتوما تع البروميار
و ربي يوفقكم جميعااااااااااااااااااااااا
الرجوع الى أعلى الصفحة اذهب الى الأسفل
inesbdf


عضو جديد
عضو جديد


الجنس الجنس : انثى
المستوى الدراسي المستوى الدراسي : جامعي
الشعبة/الإختصاص : pharmacie
هوايتي : violon
مسآهمآتے مسآهمآتے : 1
التقييم التقييم : 0

مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الخميس 23 أكتوبر 2014 - 21:38

انا ديتها تحاويزا من النهار الاول ,,,,, (لازم فيها تبهدايل) ,,,
من نهار لي انسكريت في هاديك تيزي تع الزمر مازدش وليت ..كذبو علينا قالو كاينا gréve و هوما كانو بداو لقرايا , j'ai raté 2 semaine,,و نهار لي هداني ربي و رحت نقرا دخلت ديراكتمو TP و ماديتش mm pa لابلوز ,, جات عندي chargé de tp بعد مالعبتلها عالمورال و قاتلي:"..madmoiselle ..c quoi ça?? tu sors" وجه الشر من النهار لول بدات ,,ماضيفتنيش mm pa..رحت نجري للدار ,, حتى la gare تلفتلي c'était la 2fois nroh ltizi f hyati عشيت نسقسي فالقبايل ,,
لسونسيال فات النهارالاول ,, وفات العام الاول ,, w malgé tt yab9aw des bon souvenirs
الرجوع الى أعلى الصفحة اذهب الى الأسفل
khaled


مؤسس و مدير المنتدى
مؤسس و مدير المنتدى


الجنس الجنس : ذكر
الشعبة/الإختصاص : طبيب وجراح أسنان
هوايتي : الرياضة
مسآهمآتے مسآهمآتے : 9005
التقييم التقييم : 330
الأوســـمــــة

متصل
مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الثلاثاء 17 مارس 2015 - 20:45

@nassima gh كتب:
http://www.bac35.com/t6363-topic#16721
شكرا على الإضافة


●°°●●°°● ●°°●●°°●●°°●●°°● ●●°°●●°°● ●°°● °
يا قارئ خطي لاتبكي على موتي,فاليوم معك وغدا في التراب
ويا مارا على قبري لاتعجب من أمري بالأمس كنت معك وغدا أنت معي
أموت ويبقى كل ماكتبته ذكرى, فياليت كل من قرأ خطي دعا لي
و إن مرت الأيام ولم ترون , فهذه رسالتي فتـذكرونـــــــي
وان غبت يوما ولم تجدون , ففي قلبي حب لكـم فـلاتنسونـــــــي
وان طال غيابـي عنكــــــــــــــم دون عـودة اكون وقتهـا بحـاجــة
لدعـائكم فادعـوا لــــــــــــــــــــي
●°°●●°°● ●°°●●°°●●°°●●°°● ●●°°●●°°● ●°°● °

كل ما تحتاجه في منتديات التعليم الشامل من شرح تحميل ورفع الملفات وكتابة المواضيع والمزيد - من هنا -
الرجوع الى أعلى الصفحة اذهب الى الأسفل
Asalma


عضو جديد
عضو جديد


الجنس الجنس : انثى
مسآهمآتے مسآهمآتے : 4
التقييم التقييم : 0

مُساهمةموضوع: رد: مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟   الخميس 20 أكتوبر 2016 - 23:18

اخي خالد بقداه جبت معدلك وفي اي سنة  راك تقرا ؟؟
الرجوع الى أعلى الصفحة اذهب الى الأسفل
 

مذكراااات طــــالب جامعي -- قصّة تتكرّر مع أغلب الطلبة الجامعيين بالخصوص جراحة أسنان-طب-صيدلة -- وشكون صرالو كي حالي؟؟؟

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1



صلاحيات هذا المنتدى:لاتستطيع الرد على المواضيع في هذا المنتدى
منتدى التعليم الشامل :: ˆ~¤®§][©][ قــســم الــترحــيــب والـمواضـيـع الـعـامـــة ][©][§®¤~ˆ :: تجاربك في الحياة-