.
الرئيسيةأحدث الصورمركز الرفعالتسجيلدخول

Share
 

 ملخص الوحدة الثانية في التاريخ روووعة باللهجة الجزائرية

استعرض الموضوع التالي استعرض الموضوع السابق اذهب الى الأسفل 
كاتب الموضوعرسالة
sosobibicha
sosobibicha


عـضـو جديد
عـضـو جديد


الجنس الجنس : انثى
المستوى الدراسي المستوى الدراسي : الثالثة ثانوي
الشعبة/الإختصاص : شعبة علوم تجريبية
هوايتي : المطالعة
مسآهمآتے مسآهمآتے : 13
التقييم التقييم : 0

ملخص الوحدة الثانية في التاريخ روووعة باللهجة الجزائرية Empty
مُساهمةموضوع: ملخص الوحدة الثانية في التاريخ روووعة باللهجة الجزائرية   ملخص الوحدة الثانية في التاريخ روووعة باللهجة الجزائرية Emptyالجمعة 5 فبراير 2016 - 20:55

سلام عليكم ورحمة الله وبركاته
بسم الله الرحمان الرحيم 

اهلا بطلاب البكالوريا 
ان شاء الله الكل بالف خير 


للاسف مانعرفش صاحب الملخص لكن دعاوي الخير وصلولو اكيد من كل طالب ...
ربي يجازيه الجنة وبارك الله فيه وفي ميزان حسناته 


نخليكم مع ملخص الوحدة الثانية وان شاء الله يعجبكم 

بالتوفيق لكم

إقتباس:
الوحدة 2 (الجزائر بين 1945 و 1989 )
مور ما دخلت فرنسا للدزاير و صراو مقاومات شعبية و حركات تحررية ما فادوش باش يخرجو الاستعمار و لحق عام 1945 و واحد ماراو سامع بالثورة ديالنا
و فرنسا مازالها دايرة رايها فالشعب الجزائري خاصة مجازر 8 ماي 45 اللي زادت قنعت الدزيريين باش يديرو ثورة عالمستعمر
بدات الخدمةو تاسست المنظمة الخاصة في فيفري 47 و زادت موراها حركة انتصار الحرويات الديمقراطية في 1950 و بدات ريحة الثورة تطلع و المجاهدين بداو يحسولها
و هنا دارو لجنة ثورية للوحدة و العمل 23 مارس 1954 و بداو يتلاقاو و يتفاهمو وقتاش تندلع الثورة و دارو بيان 1 نوفمبر اللي كتبو بوضياف محمد.
لكن الواحد بش يدير ثورة ناجحة مشي ساهل و لازم الشعب يوقف معاه
و هنا في 1 نوفمبر مور ما إنطلقت اول رصاصة فالاوراس (خيرو الاوراس لانها منطقة واعرة عالمستعر و الدزيريين يعرفوها مليح) هنا سرباو بيان نوفمبر اللي يشرح فيه سبب الثورة و النتائج ديالها و في نفس الوقت دارو بث في إذاعة صوت العرب المصرية باش يفهمو العرب وش راو صاري
في هاد اليامات اللولين تاع الثورة الدزيريين ماكانتش عندهم القوة و الخبرة الكافية علابيها إعتامدو سياسة الكر و الفر بالعربية اضرب و اهرب و دارو جيش على الحدود الجزئرية و بداو العمل الفدائي (يفجرو رواحهم في وسط الفرنسيين و يخربو وسائل النقل و بدات الحالة تتوسع حتى لحقت لداخل فرنسا
و مع كامل هاد الحوايج اللي صراو فرنسا ما بقاتش قاعدة و مربعة يديها 
مام هي دارت ردت فعل و حاصرت كامل الاوراس باش تحبس الثورة
هنا زيغود يوسف جاتو فكرة باش يدير جاست تخلي فرنسا تبعد على الاوراس و داو ما يسمى هجومات الشمال القسنطيني 20 اوت 1955 في نص النهار باش يبين بلي الجزائريين واعرين
و جات كرد فعل لمشروع سوستيل و اعتقال مصطفى بن بولعيد و رابح بيطاط و قتلهم لديدوش مراد احد قادة الثورة
و جات هاد الهجومات مع اجتماع هية الامم و اصبحت الجزائر قضية دولية( تم تدويل القضية الجزائرية في هيئة ألأمم في دورتها 10 
و الشعب زاد وقف مع الثوار و عاونهم و الحصار تنحا على الاوراس لكن للاسف إستشهد 1500 جزائري
جازو عامين و الجزايريين مازالهم مكروشيين مع فرنسا
مي الثورة خصها تنظيم (التنظيم المؤسساتي ) و هادا اللي داروه فمؤتمر الصومام20 اوت 1956 في بجاية و حكاو فيه على العامين اللي جازو وقسمو فيه البلاد إلى ست ولايات و دارو جيش منظم و بقات جماعة 3 (الوفد الخارجي ) تخدم على برا 
و تم تشكيل الحكومة المؤقتة 19 سبتمبر 1958 رئيسها فرحات عباس 
و بداو الاضرابات (إضراب 8 ايام) و المظاهرات (17 اكتوبر 1961 ف فرنسا )
هنا فرنسا داقتلها و اختاطفت الوفد الخارجي في 22 اكتوبر 1956
و بدا تعديب الجزايريين و إنشاء مناطق محرمة و محتشدات
و زادت شاركت في العدوان الثلاثي على مصر (حكاية العدوان الثلاثي بدات كي امم رئيس مصر جمال عبد الناصر قناة السويس اللي كانت بريطانيا حابَ تديها و دارت هي و صهيون عدوان على مصر خاطر كانت تابعة للإتحاد السوفياتي و فرنسا عاونتهم)
و كذا إقامت خطي شال و موريس (و هو عملية غلق الحدود الجزارية الشرقية و الغربية باسلاك شائكة و مكهربة و زرع الالغام
و بدات فرنسا تضاعف فالقوة ديالها و تتبع في سياسة القمع و التجويع و هكذا و الجزايريين بقاو صامدين و فرنسا حبت تجبدهم ليها (سياسة الاغراء) بداتها بمشروع قسنطينة اللي فيه 400 الف خدمة و250 الف سكنة و 255 الف مورصو تراب و دخل ثلثي الدراري الجزايريين يقراو ( مي قرايتهم تكون بالفرنسية و يقراو تاريخ فرنسا و يتعلمو المسيحية ... يعني بالعربية حبت تقضي على الهوية الوطنية) و إذا صرا و قبلو الجزايريين بهاد المشروع تتسمى الثورة ب ثورة الجياع و الجزايريين رفضوها رفض تااااااااااام مي كاين شي ناس حركة قبلو و ولاو خدامين عند فرنسا و زعما يمثلو الجزايريين على برا
و هنا الجنرال الفرنسي ديغول قالهم نديرو سلم الشجعان 23 اكتوبر 1958(الثوار يحبطو م الجبال و فرنسا تسامحهم و هدا باش يمزق صفوف الثوار مي ما صدقتلوش
زاد دار مشروع تقرير المصير 19 سبتمبر 1959 و فيه يحبس القتال و يديرو استفتاء على 4 سنين باش يشوفو ادا يبقاو الجزايريين مع فرنسا ولا ينفاصلو عليها ولا يبقاو تابعين ليها برك و يحكمو وحدهم .......مام هاد المشروع مافادوش مسكين ههههه 
و راحت دات الصحراء و بدات تجرب فالاسلحة النووية ديالها فيها
و سمحت فرنسا تقريباً فكامل الدول اللي كانت مستعمرتها على جال الدزاير باش ما تطلقهاش من يدها.


منقول من منتدى اللمة الجزائرية
الرجوع الى أعلى الصفحة اذهب الى الأسفل
 

ملخص الوحدة الثانية في التاريخ روووعة باللهجة الجزائرية

استعرض الموضوع التالي استعرض الموضوع السابق الرجوع الى أعلى الصفحة 
صفحة 1 من اصل 1

 مواضيع مماثلة

-
» ملخص الوحدة الاولى في التاريخ باللهجة الجزائرية
» ملخص الوحدة الثانية من التاريخ للسنة 3ثانوي
» ملخص الوحدة الاولى من التاريخ شعبة تسيير واقتصاد
» ملخص الوحدة الثانية في الفيزياء من اعدادي
» ملخص شامل لقواعد اللغة الإنجليزية الوحدة الثانية (خاص بالشعب الأدبية) ملف PDF



صلاحيات هذا المنتدى:لاتستطيع الرد على المواضيع في هذا المنتدى
منتدى التعليم الشامل :: التعليم الثانوي :: التحضير لبكالوريا 2023 ::  التاريخ والجغرافيا ثالثة ثانوي BAC بكالوريا-